«қашқадарё вилояти» тегли мақолалар
Қашқадарёда тадбиркор Қизил китобга кирган 753 туп ўсимликка зарар етказди
Деҳқонобод туманида Қизил китобга киритилган 753 туп тожик каврагининг илдизи ковланиб, кесиб ташланди. Ўсимлик дунёсига жами 372 млн 735 минг сўм зарар етган. Ҳолат бўйича ҳужжатлар прокуратурага юборилди.
Қашқадарёлик фуқаро уйида Қизил китобга киритилган эчкиэмар ва тошбақаларни сақлаётгани аниқланди
Қашқадарё вилояти Нишон туманида фуқаро уйида тўққизта бўз эчкиэмар ва бешта Ўрта Осиё чўл тошбақасини қонунга хилоф равишда сақлаётгани, улардан бири нобуд бўлгани аниқланди. Шунингдек, у икки илонни ўлдириб, ҳовлисига осиб қўйган. Табиатга етказилган зарар салкам 51,5 млн сўмни ташкил этмоқда.
«Жипириқ, шунчалик ҳам алдайсанми?» Шуҳрат Ғаниев ҳокимларни қўшиб ёзганлик учун танқид қилди
Тармоқларда президент маслаҳатчиси ўринбосари Шуҳрат Ғаниев йиғилишда ҳокимлар ва сув хўжалиги раҳбарларини қўшиб ёзиш ва суғориш ишлари сифатсиз олиб борилаётгани учун танқид қилган видео тарқалди. У прокуратурага Қашқадарё вилоятининг учта тумани ҳокимларини жиноий жавобгарликка тортишни буюрди.
Қашқадарёда 3 нафар блогер 5 суткага қамалди. Жамоатчилик бунинг қонунийлигига шубҳа қилмоқда
Қашқадарё вилоятида 3 нафар блогерга майда безорилик, ички ишлар ходимларининг қонуний талабларини бажармаслик ва бошқа моддалар бўйича 5 суткадан маъмурий қамоқ жазоси тайинланди. Жамоатчилик буни «мантиқсиз ва ноқонуний» дея атаб, Олий суддан асослантирилган изоҳ беришни сўради.
Қашқадарёда Ўзбекистон байроғи рангидаги тасма таққан йигит қўлга олинди
Қамаши туманидаги бозорда ИИО ходимлари Ўзбекистон байроғи рангидаги тасма таққан йигитни қўлга олди. У тасмани ечишдан бош тортди, шундан сўнг йигит билан профилактик суҳбат ўтказилиб, судга тақдим этиш учун ҳужжатлар расмийлаштирилди.
Фото: Қашқадарёда йўл-транспорт ҳодисаларига қарши кураш
Қашқадарёдаги йўллардан бирининг четига аварияга учраган автомобиль ўрнатилди. Ўзбекистон ИИВ ЙҲХББнинг маълум қилишича, бу йўллардаги бахтсиз ҳодисаларнинг олдини олишга ёрдам беради.
Қашқадарёда ота-онаси калтаклаган 14 ёшли қизни васийликка бериш масаласи кўриб чиқилмоқда
Қашқадарёда ота ва ўгай онаси томонидан калтакланган 14 ёшли қиз маҳалла қарамоғига олиниб, хавфсизлиги таъминланди. Ҳозирда уни васийликка бериш масаласи кўриб чиқилмоқда.
Қашқадарёдаги Тахтақорача довонидан юк машинаси пастликка тушиб кетди
Тахтақорача довонида юк машинаси пастликка қулаб, ёниб кетди. Ҳайдовчи ва йўловчи кабинадан сакраб тушишга муваффақ бўлган.
Қашқадарёда 2 нафар ҳоким ёрдамчиси қамоққа олинди
Яккабоғ ва Шаҳрисабз туманларининг 2 нафар ҳоким ёрдамчисига жиноят иши қўзғатилди. Улардан бири 1,7 млрд сўмлик имтиёзли кредитни ўзлаштиргани, иккинчиси эса аукционга чиқиб кетган ер майдонини фуқарога қолдириб бериш эвазига 500 доллар олгани айтилмоқда.
Қашқадарёда пастликка тушиб кетган Nexia-2 йўловчиси вафот этди
Қарши туманида Nexia-2 ҳайдовчиси бошқарувни йўқотиши оқибатида пастликка тушиб кетди. Оғир тан жароҳатлари олган машина йўловчиси шифохонада вафот этди.
Қашқадарё ва Тошкент вилоятида 80 тупга яқин дарахт кесиб ташланди
Қашқадарёда 30 туп манзарали дарахт, Тошкент вилоятида эса 48 туп писта дарахти ўтин қилиш учун кесиб ташлангани аниқланди. Хусусан, Қарши шаҳрида ўсимлик дунёсига 151 млн сўм зарар етган.
Қашқадарёда беморлардан пул таъма қилган туғуруқхона ходимлари ишдан олинди
Тармоқларда Қашқадарёдаги туғуруқхона ходимларининг беморлардан пул таъма қилаётгани акс этган видео тарқалди. ССВ туғуруқ бўлими акушер-гинекологи ва доя ишдан бўшатилганини маълум қилди. Ҳолат юзасидан ҳуқуқ-тартибот идоралари томонидан ўрганиш ишлари олиб борилмоқда.
«Ёшлар — келажагимиз» жамғармаси Қашқадарё филиали собиқ бошлиғи қамоққа олинди
«Ёшлар — келажагимиз» жамғармаси Қашқадарё филиали собиқ бошлиғи МЧЖлардан бирининг раҳбари билан тил бириктириб, жамғарманинг 1,8 млрд сўм пулларини талон-торож қилган. Вилоят прокуратурасига кўра, дастлабки тергов давомида 2 нафар шахсга нисбатан қамоққа олиш тарзидаги эҳтиёт чораси қўлланилган.
Қашқадарёда 1 нафар ҳоким ва 16 нафар ҳоким ўринбосари тадбиркорлик билан шуғулланиши маълум бўлди
Қашқадарё вилоятида 2022 йилнинг 9 ойида 552 та коррупцион жиноятлар (ўтган йилга нисбатан 114 тага кўп) содир этилди. Муротжон Азимов вилоятда ҳокимлик, молия ва ғазначилик бошқармаси ходимларидан 34 нафари тадбиркорлик субъектларида таъсисчи ёки раҳбар сифатида ишлаётганини очиқлади.
Қарши тумани собиқ ҳокими Мақсуда Мустафоева мактаб директори этиб тайинланди
Салкам икки йил Қарши туманига раҳбарлик қилган Мақсуда Мустафоева мактабда иш бошлади. Собиқ ҳоким 16 ноябрь куни Қаршидаги 11-мактабга директор этиб тайинланган. У ҳокимлигида бир неча можароли ишлар иштирокчиси сифатида оммага танилганди.
Қашқадарёда ҳам кучли ёмғир сабаб йўлларга сув тошиб чиқди
Чоршанба куни ёғган кучли ёмғир сабаб Қашқадарё вилоятининг Китоб, Қамаши, Ғузор ва Деҳқонобод туманларидаги ариқлар, лотоклар ҳамда бошқа сув ўтказиш иншоотларида йиғилган ёмғир сувлари тошиб чиқди. ФВВ аҳоли ва хонадонларга зиён етмаганини маълум қилди.
Қашқадарёда 35 та тарихий обида авария ҳолатида экани аниқланди
Бош прокуратура Қашқадарёда 18 та маданий мерос объектида ноқонуний қурилмалар ўрнатилганини аниқлади. Шунингдек, текширув давомида 382 та тарихий обидада муҳофаза белгилари йўқлиги, 35 таси таъмир талаб ҳолда экани, 49 тасида санитария қоидалари бузилгани маълум бўлди.
Қашқадарёда каналдан бедарак йўқолган 15 ёшли боланинг жасади топилди
Қарши туманининг Мирмирон қишлоғи фуқаролари каналда бир неча кун аввал бедарак йўқолган 2007 йилда туғилган боланинг жасадини кўриб қолиб, сувдан олиб чиқди. Ҳозирда туман прокуратураси терговга қадар текширув бошлади, тегишли экспертиза тайинланди.
Бузиб ташланган «Кунжутлитепа» ёдгорлиги қандай кўринишда бўлган?
Туризм вазирлиги ҳузуридаги Маданий мерос агентлиги «Газета.uz»га V-VII асрларга оид ёдгорлик бузиб ташлангани акс этган суратларни тақдим этди. Қашқадарёдаги «Кунжутлитепа» ёдгорлиги ва унинг қандай кўринишда бўлгани ҳақида қисқача маълумот.
Қашқадарёдаги «Кунжутлитепа» археология ёдгорлиги тўлиқ бузиб ташлангани аниқланди
Қашқадарёда фуқаро ХVIII асрга тааллуқли «Кунжутлитепа» археология ёдгорлигини тўлиқ бузиб ташлаб, ундан чиққан тупроқни сотиб юборгани аниқланди. Бунинг оқибатида маданий меросга 47,5 млрд сўмлик зарар етказилган. Ҳолат юзасидан жиноят иши қўзғатилиб, гумондор ҳибсга олинди.
Энг кўп ўқилган хабарлар | Сўнгги янгиликлар
- Хонанда Ширин Абдуллаева 19 ёшида вафот этди
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Тошкентда вояга етмаган қизни меҳмонхонага олиб бориб, унга шилқимлик қилган ва жароҳат етказган эркак қамалди
Қўшимча имкониятлардан фойдаланиш учун сайтда рўйхатдан ўтинг